დედამიწის მწვალებლები

ნარკომანია და ნარკოტიკების ზეგავლენა ადამიანზე

რა არის ნარკოტიკი? რომელი ნივთიერება შეიძლება ჩაითვალოს ნარკოტიკად და რომელ მათგანს იყენებენ ყველაზე ხშირად? ამ და სხვა საინტერესო საკითხზე “ამბიონს” ფსიქიატრი, ფსიქოთერაპევტი და ნარკოლოგი დავით ანდღულაძე (საპატრიარქოსთან არსებული წმიდა გაბრიელ ეპისკოპოსის (ქიქოძე) სახელობის ფსიქოლოგიური დახმარების ცენტრი) ესაუბრა:

“ტერმინი “ნარკოტიკი” ბერძნული წარმოშობისაა (Narkoticos) და ნიშნავს დამაძინებელს, გამაბრუებელს; თუმცა მალე ამ ცნებაშიგაერთიანდა ისეთი საშუალებებიც, რომელთა მთავარი მახასიათებელი სულაც არ არის ძილის გამოწვევა ისევე, როგორც მრავალი საძილე საშუალება არ არის ნარკოტიკი.

საქართველოს კანონში “ნარკოტიკული საშუალებების, ფსიქოტროპული ნივთიერებების, პრეკურსორებისა და ნარკოლოგიური დახმარების შესახებ” ნარკოტიკად მიიჩნევა მცენარე, ბუნებრივი ან სინთეზური წარმოშობის ნებისმიერი ნივთიერება, ან მისი შემცველი პრეპარატი, რომელიც შეტანილია გაეროს 1961 წლის ნარკოტიკულ საშუალებათა შესახებ ერთიანი კონვენციის თანდართულ სიებში. ასეთია განმარტება კანონის ენაზე, ხოლო ჩვენ ნარკოტიკი შეიძლება პირობითად ვუწოდოთ ნივთიერებას, რომელიც გავლენას ახდენს ფსიქიკურ აქტივობაზე და იწვევს ფსიქიკური ან/და ფიზიკური დამოკიდებულების ჩამოყალიბებას. ასეთ შემთხვევაში ნარკოტიკებს შორის აღმოჩნდება ალკოჰოლი, თამბაქო და ყავა.

გარკვეულ კონტექსტში მართლაც ხშირად მოიხსენიებენ ჩამოთვლილ ნივთიერებებს “ლეგალურ ნარკოტიკებად”, რადგან მათ გამოყენებას არ კრძალავს კანონი მიუხედავად იმისა, რომ საყოველთაოდ ცნობილია მათი მავნე ზემოქმედება, იზღუდება მათი რეკლამირება და ასევე – ხელმისაწვდომობა არასრულწლოვანთათვის.”

                                            რომელი ნარკოტიკია ყველაზე საშიში ადამიანისთვის?

ნარკოტიკისგან მომდინარე საშიშროება შეიძლება ორი სხვადასხვა კუთხით შევაფასოთ. ერთის მხრივ, საზოგადოებისთვის მავნეობის თვალსაზრისით, ყველაზე დიდ პრობლემას ქმნის თამბაქოსა და ალკოჰოლის მოხმარება, რაც განაპირობებს გულ-სისხლძარღვთა სისტემის მძიმე დაავადებებსა და სიკვდილს. სტატისტიკური კვლევის მიხედვით, ამ ნივთიერებების მიერ გამოწვეული სიკვდილიანობის მაჩვენებელი მრავალჯერ აღემატება ყველაზე აგრესიული, კუსტარულად დამზადებული პოპულარული ნარკოტიკების – მეტამფეტამინების (მაგ.: ვინტი) და დეზომორფინის, იგივე “ნიანგის” მიერ გარდაცვლილთა რაოდენობას.

მეორე მხრივ კი ხსენებული კუსტარული ნარკოტიკები იმდენად მძიმე და შეუქცევად ცვლილებებს იწვევს ნარკომომხმარებლებში, რომ მათი გამოყენების ინდივიდუალური შედეგები გაცილებით უფრო მძიმეა, ვიდრე თამბაქოს, ან ალკოჰოლის მოხმარებისა. რადგან აღნიშნულ ნარკოტიკებს გაცილებით მცირე რაოდენობის ადამიანები მოიხმარენ ალკოჰოლთან და თამბაქოსთან შედარებით, შესაბამისად, მათ მიერ გამოწვეული ზიანის დონე უფრო დაბალია ზოგადად სოციუმისთვის.

                                       რა ზიანის მომტანია ნარკოტიკი პიროვნებისთვის?

ნარკოტიკის დამაზიანებელი მოქმედება პიროვნებაზე ვლინდება როგორც ფსიქიკურ, ისე ფიზიკურ და სოციალურ ჭრილში. ყოველი ნარკოტიკული საშუალების გამოყენებას თან ახლავს კონკრეტულად მისთვის დამახასიათებელი ცვლილებები ფსიქიკაში, სხვადასხვა ტემპით ქვეითდება ფსიქიკური უნარები, ხშირ შემთხვევაში, დეგრადირდება პიროვნება, რაც აისახება მის სოციალურ სტატუსზეც, ირღვევა ძველი ჯანსაღი ურთიერთობები, იცვლება ადამიანთა წრე, რომელთანაც ინარჩუნებს კონტაქტს ნარკოტიკული საშუალების მიღების მიზნით, ირყევა ფიზიკური ჯანმრთელობაც. ნარკოტიკული საშუალების სახეობის მიხედვით შეიძლება სხვადასხვა ხარისხით დაზიანდეს ცენტრალური ნერვული და პერიფერიული ნერვული სისტემა, გულ-სისხლძარღვთა სისტემა, ღვიძლი, შარდსასქესო სისტემა და სხვა. პრაქტიკულად, არ რჩება ორგანოთა სისტემა და ორგანო, რომელზეც არ აისახება ნარკოტიკის მავნე ზეგავლენა.

ნარკოტიკზე დამოკიდებულების ჩამოყალიბებისთვის ზოგი ნარკოტიკის შემთხვევაში 2-3 მიღებაც კი საკმარისია დროის მოკლე ინტერვალში, სხვა ნარკოტიკისთვის კი შესაძლოა 5-10, ან მეტჯერადი მოხმარება იყოს საჭირო, რაც დამოკიდებულია როგორც ნარკოტიკის სახეობაზე, ისე ადამიანის ფსიქო-სოციალურ მდგომარეობაზე, ნარკოტიკის მოხმარების მოტივსა და გარემოზე.

                                                რა თვისებები ყალიბდება ნარკომან ადამიანში?

წამალდამოკიდებულები საკუთარი თავის დახასიათებისას ხშირად აღნიშნავენ, რომ ნარკოტიკების მოხმარების პერიოდში გახდნენ ეგოისტები, დაკარგეს ძველი ინტერესები, დაენგრათ ღირებულებები, დაკარგეს, ან დაუქვეითდათ თანაგრძნობის უნარი და ა. შ. მე კი ვერაფერს ვიტყვი მყარად და კონკრეტულად მათთვის დამახასიათებელ განსაკუთრებულ თვისებებზე, რაც ყველა წამალდამკიდებულისთვის საერთო იქნება და განასხვავებს ლუდომანებისა (თამაშზე დამოკიდებულები) და დამოკიდებულების სხვა ფორმების მქონე დაავადებულებისგან.

                            ყველაზე ხშირად რა მიზეზი უბიძგებს ადამიანს ნარკომანობისკენ?

ნარკოტიკის მოხმარებისკენ ერთს ინტერესი უბიძგებს, მეორეს – თვითდამკვიდრების სურვილი, მესამეს – უარის თქმის უუნარობა და პიროვნული სისუსტე, მეოთხეს – პრობლემებისგან გაქცევის, ხოლო მეხუთეს – მეტი სიამოვნების განცდის სურვილი. სხვა მიზეზებიც არსებობს…სამწუხაროდ, არ მინახავს სტატისტიკური კვლევა, სადაც პროცენტულ მაჩვენებლებში აისახებოდა მომხმარებელთა მიერ წამლის მოხმარების დაწყების მიზეზები. თუ აქამდე არ გაკეთებულა ასეთი კვლევა, ალბათ, ღირს ამის გაკეთება, ასეთი კვლევის შედეგი გარკვეულწილად დაგვეხმარება, რომ პრევენციის სტრატეგიაში აქცენტები ოპტიმალურად გადანაწილდეს.

                            როგორ ხდება ნარკომანიის მკურნალობა და რა შემთხვევაშია ეფექტური?

    

წამალდამოკიდებულთა მკურნალობის სხვადასხვა მეთოდი არსებობს, რომელთაგან ყოველ კონკრეტულ შემთხვევაში ხდება ოპტიმალური მიდგომის შერჩევა. მკურნალობის მეთოდებს შორის აღსანიშნავია დეტოქსიკაცია და ჩანაცვლებითი თერაპია. დეტოქსიკაციის დროს ნარკოლოგიურ კლინიკაში ხდება ნარკოტიკული ტოქსინებისგან გათავისუფლება და ამ ფონზე მოსალოდნელი აბსტინენციის სინდრომის (ე. წ. ლომკების) შედარებით უმტკივნეულოდ გადატანა სხვადასხვა ფარმაკოლოგიური საშუალებით. ბევრი კლინიკა ამ პროცესში ფარმაკოლოგიურ საშუალებებთან ერთად იყენებს ფიზიოთერაპიულ პროცედურებსა და სხვა მეთოდებს. ზოგიერთ შემთხვევაში დეტოქსიკაციის პარალელურად წარმოებს ფსიქოთერაპიაც. დეტოქსიკაციის დასრულების შემდეგ კი ყოფილი წამალდამოკიდებული გადადის აქტიური ფსიქოლოგიური რეაბილიტაციის ეტაპზე, რაც, სამწუხაროდ, ხშირ შემთხვევაში იგნორირებულია პაციენტის მიერ და ხდება რეციდივის, ანუ ნარკოტიკების მოხმარების განახლების მიზეზი.

საერთოდ, მკურნალობასთან დაკავშირებით ისიც აღსანიშნავია, რომ წამალდამოკიდებულება მიიჩნევა ქრონიკულ დაავადებად, რაც იმას ნიშნავს, რომ სრულ განკურნებაზე არ ლაპარაკობენ. ამ შემთხვევაში მკურნალობის მიზანია, მოხერხდეს რემისია და რაც შიეძლება დიდი ხნის განმავლობაში გაგრძელდეს იგი.

მკურნალობა ეფექტურია მხოლოდ იმ შემთხვევაში, თუ წამალდამოკიდებულს აქვს საკმარისი სურვილი, არის მოტივირებული და შესაბამისად, მჭიდროდ თანამშრომლობს ჯერ ნარკოლოგთან, შემდეგ კი ფსიქოთერაპევტთან, მაქსიმალურად იცავს რჩევებს, ქცევის შეთანხმებულ წესებს, ცდილობს სრულ რესოციალიზაციას.

უყურე ამ ვიდეოს,შეხედე რა შემზარავი სიკვდილია.ნარკოტიკის მსხვერპლი რომელიც ნარკოტიკებს რამოდენიმე წელი მოიხმარდა.რად ღირდა ამის სიცოცხლე? ან რას მიაღწია? სიკვდილს?...ტანჯული მისი სული კი ძძრწვის და იტანჯება.სიცოცხლის ბოლო წამები რომელიც ერთ-ერთმა ვიდეო მოყვარულმა გადაიღო.

და ბოლოს, რაიმე სტატისტიკა თუ გაქვთ? ან პირადი გამოცდილებიდან როგორ შეაფასებთ საქართველოში არსებულ მდგომარეობას ნარკოდამოკიდებულ ადამიანებთან დაკავშირებით?

ექსპერტთა ვარაუდით, საქართველოში ნარკოტიკის მომხმარებელთა რაოდენობა რამდენიმე ასეულ ათასს აღწევს. ზუსტი ციფრის დადგენა შეუძლებელია, თუმცა საერთაშორისო ექსპერტები აპრობირებული მეთოდით – ქვეყანაში სოციალური მდგომარეობის, გამოვლენილ ნარკომომხმარებელთა რაოდენობისა და სხვა მახასიათებლების შეჯერებით – საზღვრავენ მიახლოებით წამალდამოკიდებულთა რაოდენობას. აღნიშნული რაოდენობა კი, გადაჭარბების გარეშე შეიძლება ითქვას, რომ ნამდვილად კატასტროფულია.

შენ შეძლებ,უთხარი უარი ნარკოტიკს,იცხოვრე ჯანსაღად.ნარკოტიკი კლავს არამარტო შენ არამედ სიყვარულს შენში.სიყვარული კი ღერთია.ღმერთი შენ მხარესაა,მიეცი უფლება ღმერთს დაგეხმაროს შენ ამ სენისგან განკურნებაში.

ეს ჯოჯოხეთია! თუ არ გინდა მოხდე მათ სიაში მაშინ ნურც გასინჯავ რადგან მეორედ აუცილებლად გასინჯავ,მესამედ,მეოთხეთ შეტოპავ,მერე ძნელია უარი თქვა სურვილზე.შენ ავადდები და ხდები მონა ნარკოტიკისა.

სატანიზმი _ საფუძვლები, წესები, ცოდვები.

სატანიზმი… პირველად რა გახსენდებათ ამის გაგონებაზე? გატყავებული კატები? საშინელი რიტუალები და ბოროტების მსხაურება? ვითომ, მართლა ესეა? ქვემოთ მოყვანილია სატანისტების და სატანიზმის წესები ცოდვები და საფუძვლები, რომლებიც დარწმუნებული ვარ ოდნავ მაინც შეცვლის თქვენს წარმოდგენას სატანიზმზე და მათ მიმდევრებზე, ასევე ბევრ მცდარ შეხედულებას კითხვისნიშნის ქვეშ დააყენებს

სატანიზმის საფუძვლები

1. სატანა განასახიერებს წაქეზებას ნაცვლად თავშეკავებულობისა.
2. სატანა განასახიერებს ცხოვრებისეულ ყოფას ნაცვლად სულიერი ილუზიებისა.
3. სატანა განასახიერებს შეუბღალავ სიბრძნეს, ნაცვლად ფარისევლურად თავის მოტყუებისა.
4. სატანა განასახიერებს სიყვარულს მათთვის ვინც ამას იმსახურებს, ნაცვლად მლიქვნელებზე დახარჯული სიყვარულისა.
5. სატანა გასანსახიერებს შურისძიებას ნაცვლად მეორე ლოყის მიშვერისა.
6. სატანა განასახიერებს პასუხისმგებლობას, პასუხისმგებლობიანების მიმართ, ნაცვლად ფსიქიკურ ვამპირებზე ზრუნვისა.
7. სატანისთვის ადამიანი წარმოადგენს მხოლოდ და მხოლდ მორიგ ცხოველს, რომელიც ზოგჯერ უკეთესი, ხოლო უმეტეს შემთხვევაში კი იმათზე უარესია რომლებიც ოთხ ფეხზე დადიან, რომელიც თავისი “განვითარების, სულიერების და ინტელექტის” ხარჯზე ყველაზე ცოდვილ ცხოველად იქცა.
8. სატანა წარმოადგენს ყველა ე.წ. ცოდვას, თუ მათ ფიზიკური, გონებრივი, ან ემოციონალური სიამოვნება მოაქვთ.
9. სატანა ეკლესიისათვის საუკეთესო მეგობარი იყო, რადგან ის, მთელი ამ წლების განმავლობაში, ხელს უწყობდა მათ ბიზნესს.

დედამიწაზე ცხოვრების 11 სატანისტური წესი

1. ნუ დააფიქსირებ საკუთარ მოსაზრებას და ნურავის მისცემ რჩევას, თუ შენთვის არ უთხოვინათ ამის გაკეთება.
2. ნუ მოუყვები სხვებს საკუთარი უსიამოვნებების შესახებ, თუ დარწმუნებული არ ხარ, რომ მათ ამის მოსმენა უნდათ.
3. სხვის ბუნაგში ყოფნისას, მეპატრონეს პატივი ეცი, თუ არა და იქ მეტი ნუღარ გამოჩნდები.
4. თუ სტუმარი შენს ბუნაგში გაჯავრებს, გაუსწორდი მას სასტიკად და უმოწყალოდ.
5. ნუ გააკეთებ სექსუალურ ავანსებს, თუ საამისო მიპატიჟების სიგნალი არ მიგიღია.
6. ნუ აიღებ იმას, რაც შენ არ გეკუთვნის, თუ დარწმუნებული არ ხარ, რომ ეს ნივთი მის პატრონს ტვირთად აწევს და მის თავიდან მოშორებას ლამობს.
7. ნუ უარყოფ მაგიის ძალას თუ შენ ის წარმატებით გამოიყენე, თუ წარმატების შემთხვევაში, შენ მაგიას უარყოფ, წაგერთმევა ყველაფერი რასაც მიაღწიე.
8. ნუ დაიწყებ იმაზე ჩივილს, რაც შენ არ გეხება.
9. პატარა ბავშვებს ნურაფერს დაუშავებ.
10. არ მოკლა არაადამიანური წარმოშობის ცხოველები, თუ ისინი არ დაგესხნენ თავს, ან საჭმელად არ გჭირდება.
11. გაშლილ ადგილას სიარულისას, ნურავის შეაწუხებ. თუ ვინმე გაწუხებს, სთხოვე რომ გაჩერდეს, თუ არ გაჩერდა _ გაანადგურე.

სატანისტური ცოდვები

სატანისტური “ცოდვები”, უფრო სწორად კი თვისებები, რომელიც არ უნდა გააჩნდეს სატანისტს არის:

1. სისულელე.
2. პრეტენზიულობა.
3. სოლიფსიზმი.
4. საკუთარი თავის მოტყუება.
5. ჯოგური კონფორიზმი.
6. შეხედულებების ფართე არეალის არქონა.
7. წინა თაობების გამოცდილების არცოდნა.
8. კონტრპროდუქციული სიამაყე.
9. არაესთეტიურობა.

Add caption

სატანა - არსი სიბნელისა და ქაოსის გამოვლინებისა, რელიგიურ-მითოლოგიური, აგრეთვე სატანისტების ფილოსოფიური წარმოდგენებით. ის უმაღლესია ქაოსსა და სიბნელეში, სატანა თავადვეა სიბნელე, ქაოსი და ნგრევა. ყოველ მიზეზთა პირველმიზეზია, ერთიანი აზრია, სიბნელის გული და უფრსკულის დრაკონია. ისვეა პირველშესაქმის სიბრძნის მამა და ცოდვის თესლი. გამომცდელია, ღვთის განჩინებით და საკუთარი ინიციატივით აცდუნებს ადამიანს. ჯოჯოხეთის თავადია. მისი ტახტი შესაქმის უფსკრულს ემყარება.

სატანიზმი როგორც ორგანიზებული სექტა მეჩვიდმეტე საუკუნემდე არ გვხვდება. მე-17 საუკუნიდან კათოლიკურმა ეკლესიამ მღვდლების დევნა დაიწყო, რომლებსაც ბრალს დებდნენ მაგიური, ბოროტი ძალის გამოყენებაში. ასევე მეჩვიდმეტე საუკუნეში პირველად დაიბეჭდა მაგიის წიგნი The Grimoire of Honorius რომელშიც დაწერილი იყო დემონის გამოსაძახებელი ლოცვები.

მეთვრამეტე საუკუნეში სატანიზმის მიმდევრები ნაკლებად გვხვდება. 

მეცხრამეტე საუკუნის ყველაზე გამოჩენილი სატანისტი Joseph Boullan ია. იგი კარმელის ეკლესიის მთავარი მღდელი გახდა და მრევლთან ერთად შავი მაგიის გამოყენება დაიწყო.



 ძველი სატანიზმის მიმდევრებს უფრო შავი მაგიის გამო ეძახდნენ სატანისტებს. დაზუსტებით არ ვიცი ისინი თაყვანს სცემდნენ თუ არა ლუციფერს. თუმცა “ბნელი ძალების” გამოყენების გამო ისინი საზოგადოებისთვის სატანისტები იყვნენ. სატანა როგორც ნათელის საწინააღმდეგო ძალა ყველა რელიგიაში არსებობს.
 ქრისტიანობაში მას რამდენიმე სახელით მოიხსენიებენ: სატანა, ლუციფერი, სამაელი, აზაზელი, მეფისტოფელი. ისლამში მას ძირითადად შაიტანს ეძახიან. 
სატანისტებს სჯერათ რომ არსებობს ღმერთი და არსებობს სატანა, მათ სჯერათ რომ დადგება დრო როცა ბნელი ძალა განთავისუფლდება, მოევლინება კაცობრიობას და ისინი მის სამსახურში ჩადგებიან, ანუ მათი შეხედულება მეორედ მოსვლაზე თითქმის იდენტურია ქრისტიანულ შეხედულებებთან თუმცა გამარჯვებულის ვინაობა ორივესთვის სხვადასხვაა. ეს ხალხი შეგნებულად ემსახურება ბნელს, თუმცა ისინი მას ბოროტად სულაც არ მიიჩნევენ, ანუ მათთვის სატანა განმათავისუფლებელია რომელიც დაამარცხებს ღმერთს და დაამყარებს განსხვავებულ წესრიგს დედამიწაზე.
 სატანისტურ სექტებში ხშირია მსხვერპლთშეწირვები, ეს შეიძლება იყოს როგორც ფიზიკური აქტი ასევე სულიერი ან სიბოლური. მაგალითად ყოველწლიურად ავროპასა და ამერიკაში ასობით რიტუალური მკვლელობა ფიქსირდება, მსხვერპლი ძირითადად უსახლკარო და უპატრონო ადამიანია, ძალიან ძნელია ასეთი მკვლელობების დროული გახსნა და დამნაშავის დაკავება. 
ყველაზე გავრცელებული მაინც ცხოველების წამება და მკვლელობაა, მაგალითად ფრინველების რიტუალური მკვლელობა, კატების ხელით მოგუდვა და სხვა.

                 სატანისტი ვარსკვლავები რომლებიც სავსეა ჰოლივუდი მსგვავსი ადამიანებით.

გთავაზობთ ვიდეოს სატანისტ ვარსკვლავებზე რომლებიც მანიპულირებენ სატანისტური ნიშნებით და აგრეთვე ჩაბმულნი არიან სატანისტურ ორგანიაზაციაში.

თანამედროვე სატანიზმი
  თანამედროვე სატანიზმის ყველაზე მრავალრიცხოვანი მოძრაობა 60 იან წლებში, ამერიკის შეერთებულ შტატებში დაიწყო. მორაობის წინამძღოლი ანტონ ლავეი იყო.

ანტონ ლავეი

მან 1966 წელს სან ფრანცისკოში სატანის ეკლესია დაარსა რომელმაც ძალიან მალე მიიქცია მედიის ყურადღება. ლავეი ითვლება თანამედროვე სატანიზმის მამამთავრად.
ეს არის ადამიანი რომელმაც ამ თემისგან საკმაოდ მომგებიანი ბიზნესი შექმნა, სხვათაშორის ამ ადამიანის ძარღვებში ქართული სისხლი ჩქებს, მისი ბიოგრაფი აღნიშნავს რომ ლავეი ძალიან ამაყოფს რომ ის არის რამდენიმე ერის შვილი, მათ შორის ქართველი, რუმინელი, ფრანგი და ებრაელი. 
ლავეი რიტუალებისთვის ენოქიურ ენას იყენებდა. ეკლესიის სიმბოლოდ ამოტრიალებული პენტაგრამა აირჩიეს რომელსაც ბაფჰომეტს ეძახდნენ.  ეკლესიას მალევე გაუჩდნენ მიმდევრები. ისინი ძირითადად საშუალო კლასის წარმომადგენელი ოკულტისტები, რასისტები და პოლიტიკოსები იყვნენ. ერთი წლის შემდეგ მათი რიცხვი 25 000 აღემატებოდა და მათ რიგებში გამოჩენილი ადამიანებიც იყვნენ. 
 ჩემი აზრით, ლავეიმ ეს ყველაფერი კომერციული მიზნებით გააკეთა, მის მიერ დაწერილი“სატანისტური ბიბლია” კომიკური და არასერიოზულია. უბრალოდ მან კარგად შეფუთა ეს ყველაფერი სტანდარტული ამერიკელისთვის გასაგები და ადვილად აღსაქმელი გახადა, დაუმატა მისტიციზმი და გაუგებარი რიტუალები და ეს სრულიად საკმარისი გამოდგა რომ ათასობით ადამიანი მისი თაყვანისმცემელი გამხდარიყო.

ქრისტიანული საზოგადოება კი სატანისტებად ყველას რიცხავს. განურჩევლად იმისა სცემენ თუ არა თაყვანს სატანას ისინი. საუკუნეების მანძილზე მაგია ყოველთვის დაკავშირებული იყო ბოროტებასთან. ბოროტება კი სატანასტან. ამიტომაც ყველა ოკულტისტი თუ ჯადოქარი ხალხისთვის მაინც სატანის “მოციქულებად” რჩება : )